Me modelin "Gjysmë këst", Qeveria do të paguajë gjysmën e këstit mujor (kryegjëja dhe interesi) në 5 vitet e para nga pagesa e kredisë. Norma e interesit të kredisë banesore është gjithashtu e privilegjuar dhe është: 4,99 për qind për tre vitet e para, 5,5 për vitin e katërt dhe të pestë të pagesës. Me modelin "Gjysmë pjesëmarrje", përkujtojnë nga Ministria e Financave, Qeveria do të paguajë 50 për qind nga pjesëmarrja për kredi për blerje të banesës ose për ndërtim të shtëpisë. Norma e interesit të kredisë banesore është e privilegjuar dhe është EURIBOR + 4,5 për qind pikë gjatë gjithë periudhë së pagesës. Kjo është mundësi e mirë, nënvizohet në kumtesën e sotme nga Ministria e Financave, që qytetarët ta shfrytëzojnë afatin e qershorit që të aplikojnë për kredi të subvencionuar banesore. Në këtë mënyrë qytetarët mund të marrin deri në 9.900 euro subvencion nga Qeveria për blerje të shtëpisë ose banesës. KOHA
