Takimi tradicional i mërgimtarëve të fshatit Odër të cilët jetojnë dhe veprojnë në Zvicër është organizuar edhe këtë vit në fushën e sportit St. Jakob Park në Basel të Zvicrës. Ky lloj takimi organizohet që pesë vite me rradhë dhe tani është mbajtur me datën 27.05.2012. Festa vjetore tradicionale  që organizohet nga mërgimtarët e fshatit Odër  ka për qëllim rruajtjen e kulturës, traditave dhe njoftimin e gjeneratave të reja. 

 

Organizatori, Minir Aliji mblodhi në parkun Jakob rreth 100 mërgimtar. Në kohën e kaluar së bashku mërgimtarët e kaluan në frymë vëllazërore duke diskutuar hallet e njëri tjetrit dhe për ndryshimet e mundëshme në fshat. Nuk mungoi buka, mishi, ëmbëlsirat dhe ushqime tjera tradicionale shqiptare. Kënga dhe vallja ishin nën shoqërimin e të pranishmëve gjatë tërë kohës. Mërgimtarët patën edhe aktivitete sportive si ndeshje futbolli, hendboll, gara në vrapim. Më në fund u luajt loja me tombolla ku pati edhe shpërblime. /tetova1.com/

 

---

---