“Përveç trumbetimit me të madhe nga ana e ministrave të BDI-së sa i përket përdorimit zyrtar të Gjuhës Shqipe, nuk egziston asnjë përmirësim në këtë drejtim, përkundrazi një gjë e tillë duket sa e largët aq edhe absurde në raport me atë çka ndodh në realitiet.

Ministri i Arsimit, përkatësisht sekretari i përgjithshëm i BDI-së, ‘’Абдулаќим Адеми’’ , jo që nuk ndërron emrat e shkollave, jo që nuk legalizon paralelet në Gjuhën Shqipe në Podgorcë, jo që nuk jep pëlqim për hapjen e paraleleve të reja në Gjuhën Shqipe, por edhe një dokument zyrtar drejtuar komunave, në këtë rast Komunës së Strugës , e dërgon të përpiluar vetëm në Gjuhën Maqedonase dhe në alfabetin cirilik, kurse në shkrimin latin qëndron vetëm emri i të sipërpërmendurit me gjithë firmën e tij.

Urojmë që ky reagim të mos i prishë marrëdhëniet e ministrit me Kryeministrin sa i përket marrëdhënieve ndëretnike. “