Bashkimi Demokratik për Integrim është i hapur për të gjitha opsionet e zgjidhjes së krizës, por me kusht që në këtë proces të përfshihet faktori ndërkombëtar.
Zyrtarë të lartë të partisë i thanë gazetës “Slloboden Pecat” se zgjidhja finale nuk duhet prejudikuar, pa nisur procesi i dialogut politik me asistencën e faktorit ndërkombëtar.
Është i nevojshëm monitorimi dhe ekspertiza ndërkombëtare për situatën, me qëllim krijimin e kushteve për dialog politik, ku do të diskutoheshin të gjitha variantet e zgjidhjes së krizës, hapur dhe pa prejudikime, thanë zyrtarë të partisë për gazetën maqedonase.
Qëndrimi i tillë i referohet çështjes se cila është zgjidhja e krizës politike.
Në intervistën për Telma, kreu i LSDM-së Zoran Zaev tha se “duhet formuar një qeveri kalimtare me personalitete që kanë kredibilitet të fortë dhe që do të ishin garantues të zgjedhjeve fer dhe të lira.