“Deklaratat e shefit të diplomacisë greke Nikos Kotzias në të cilat përsërit vijat e kuqe të Greqisë nuk shkojnë në të mirë të marrëdhënieve ndërfqinjësore.
Me deklaratën se Maqedonia do të mund të bëhet anëtare e NATO-s menjëherë kur ta zgjidhë problemin që ka me emrin tonë, Kotzias nuk kontribuon për tejkalimin e problemit”, thuhet në reagimin e VMRO DPMNE-së, ndaj deklaratave të ministrit të punëve të jashtme të Greqisë, Nikos Kotzias, i cili tha se Greqia nuk do të lëvizë nga qëndrimet e saj në lidhje çështjen e emrit.
“Maqedonia i ka përmbushur të gjitha kushtet për anëtarësiim në NATO prej vitit 2008 në samitin e Bukureshtit. Vetëm për bllokimeve joparimore nga ana e Greqisë, Maqedonia për momentin nuk është anëtare e NATO-s”, thuhet më tej në reagimin e VMRO DPMNE-së.
Nga kjo parti thonë se procesi duhet të zhbllokohet menjëherë dhe të korrgjohen vendimet e padrejta. Sipas tyre, Maqedonia meriton të jetë pjesë e NATO-s sa më parë.
