Njëri nga themeluesit e partisë Alternativa, Ilir Deda përkrah një koalicion mes Vetëvendosjes, dhe koalicionit parazgjedhor, LDK-AKR-Alternativa.
Deda i cili dikur ka qenë deputet i Vetëvendosjes, në një deklaratë për lajmi.net të martën i ka dhënë mbështetje krijimit të një blloku për formimin e Qeverisë së Re.
I nominuari i Vetëvendosjes për kryeministër, Albin Kurti sot u ka bërë thirrje koalicionit LDK-AKR-Alternativa që t’i bashkohen për ta formuar qeverinë.
Ndërsa, Deda ka thënë se pret që pas çeritfikimit të rezultateve nga KQZ, Vetëvendosje të iniciojë takime për të biseduar për formimin e Qeverisë së re.
“Pas certifikimit të rezultateve pres që Lëvizja Vetëvendosje të iniciojë takimin me koalicionin tonë LDK-AKR-Alternativa që të besojnë për krimin e qeverisë së re”, ka thënë Deda për lajmi.net.
Ai ka përjashtuar mundësinë që nëse LDK-AKR nuk i bashkohet koalicionit me Vetëvendosjen, të dalë vetëm Alternativa.
“Ne me LDK-në kemi të harmonizuara gjitha qëndrimet dhe jemi në unitet të plotë për të gjitha veprimet e ardhshme politike dhe nuk shohë asnjë arsye që koalicioni të prishet”, është shprehur Deda.
Pas zgjedhjeve të 11 qershorit asnjëra nga partitë e mëdha nuk ka sigurua votat e mjaftueshme për ta formuar qeverinë.
Koalicioni PDK-AAK-Nisma, ka marr 33.9 për qindin të votave, e dyta është Lëvizja Vetëvendosje më 27.16, ndërsa LDK-AKR-Alternativa 25.79 për qind.
