Aksident afër kufirit Kosovë-Maqedoni, nëntë policë u transferuan në spitalin e Kumanovës

Nëntë policë janë transferuar në spitalin e Kumanovës pasi furgoni i e tyre është përplasur me një veturë të llojit “VolksWagen Pasat” të hënën në mëngjes , njofton MPB. Sipas policisë, rasti ka ndodhur rreth orës 8 e 20 minuta.

“Më datë 28.12.2020, në ora 8 e 20 minuta, në afërsi të fshatit Bellanoc, ka ndodhur një aksident trafiku mes një furgoni “Reno” me targa të Shkupit, pronë e MPB, në të cilën kanë qenë nëntë policë dhe veturës “Folksvagen pasat” me targa të Kuanovës, e drejtuar nga B.Sh. (48) nga Kumanova. Pas aksidentit, policëve u është ofruar ndihmë në Spitalin e përgjithshëm në Kumanovë, ku u janë konstatuar lëndime trupore. Hetime në vendin e ngjarjes ka kryer ekipi hetues nga SPB Kumanovë, Prokurori Publike dhe Sektori për kontroll të brendshëm, hetime kriminalistike dhe standarde profesionale”, njoftoi MPB.