Aksident në Kroaci, rrokulliset kamioni me targa të Maqedonisë! (FOTO)

Kamioni me rimorkio për transport të veturave të tjera është rrokullisur në pjesën jugore të autostradës Bregana – Lipovac të Kroacisë, njoftojnë mediat kroate.

Aksidenti ka ndodhur rreth orës 17, kur vetura me targa të Maqedonisë së Veriut është rrokullisur, si pasojë kanë rënë vetura që ka qenë duke i transportuar.

Komunikacioni në autostradë është mbyllur për qarkullim në drejtimin lindor dhe është rikahëzuar. Shoferi i kamionit është lënduar dhe në rrjedhë është hetimi policor.