Aksident në Shkup, lëndohet një motorist

Një aksident trafiku ka ndodhur në bulevardin “Hristijan Todorovski Karposh”, pas përplasjes mes një automjetit “Mercedes” dhe një motori.

Nga informacionet në terren, mësohet se motoristi është i punësuar në një piceri në Butel, dhe në momentin e aksidentit, ka qenë duke dërguar porosi.

Reklame

Sipas dëshmitarëve okularë, motoristi është dërguar në spital.

Në terren gjendet edhe policia, e cila po kryen ekspertizën, nga e cila pritet të mësohen shkaqet e aksidentit.

TV21 ka dërguar pyetje deri te Ministria e Punëve të Brendshme, por nga atje ende pa përgjigje.