Analisti Armend Muja aderon zyrtarisht në VV

Advertisment

Analisti i njohur, Armend Muja, sot ka aderuar në Lëvizjen Vetëvendosje.

Këtë e ka bërë të ditur kryetari i LVV-së, Albin Kurti, i cili tha se me disa anëtarë të Kryesisë dhe ish deputetë, i uruan mirëseardhje Armend Mujës.

Reklame

Kurti tutje njoftoi për shkollimin dhe përvojën profesionale për të.

“Me Armendin njihemi qëmoti, por nga sot, do të jemi edhe aktivistë e kolegë në VETËVENDOSJE!. Me disa anëtarë të Kryesisë dhe ish deputetë, i uruam mirëseardhje Armend Mujës, e më pas zhvilluam një diskutim rreth zgjedhjeve parlamentare të 14 shkurtit dhe qeverisjes sonë të ardhshme.

Ai tani është drejtor i Kolegjit Riinvest dhe ligjërues i ekonomisë politike ndërkombëtare. Armendi ka kryer studimet në London School of Economics dhe Corvinus University. Në Master dhe Doktoratë ka punuar në ekonominë politike të Evropës Jug-Lindore.

Më herët ka shërbyer si drejtor për çështje akademike në Kolegjin UBT. Gjithashtu ai ka punuar si këshilltar në projektet e Programit për Reforma Ekonomike (ERP), Planin e Zhvillimit Kombëtar dhe Vlerësim të Planit Strategjik Arsimor për GIZ, UNDP dhe Këshillin e Evropës. Armend Muja është me prejardhje nga Mitrovica dhe mezi presim të punojmë bashkë në Lëvizje”, tha ai./