ASH-AAA: Nuhiu pas Siniçanit hakmerret ndaj policëve shqiptarë!

Advertisment

Ministri i Punëve të Brendshme, Agim Nuhiu edhe pas veprimeve në Siniçan vazhdon të merret me shqiptarët. Kësaj here me degradime te policëve shqiptarë pranë ministrisë që ai udhëheqë. Kështu thuhet në një reagim të koalicionit ASH-AAA, sipas të cilës, BDI nëpërmjet ushtarëve partiak siç është Agim Nuhiu shfrytëzon pozitat shtetërore për hakmarrje ndaj atyre që votuan për ndryshim. Kjo sjellje e BDI-së dëmton popullin në mënyrë direkte, por edhe shtetin gjithashtu.

“Theksojmë se institucionet shtetërore duhet të funksionojnë me profesionistë e jo ushtar që punojnë nën urdhra partiak. Apelojmë deri te institucionet vendore, por edhe ato ndërkombëtare qëtë ndërmerren veprime në përputhje me ligjin që do ta ndalojnë keqpërdorimin e MPB-së për interesa partiake.

Reklame

Kjo ministri duhet urgjentisht të ndalojë me degradimin e profesionistëve shqiptar, të cilët punën e tyre bëjnë ashtu siç duhet”, thuhet në reagimin e ASH-AAA, ndërsa shtojnë se veprimet e tilla të BDI-së vetëm se po dëshmojnë për mllefin e humbjes së tyre në zgjedhjete fundit! Ka ardhur koha që shteti ynë përfundimisht t’i jep fund regjimeve të tilla, dhe të fillojë të funksionojë në frymë evropiane.