Bayern Munich kthehet në makth për Luis Suarezin

Advertisment

Bayern Munich ka shënuar fitore të thellë ndaj Atletico Madridit me rezultat 4-0, në ndeshjen e parë të fazës së grupeve në Ligën e Kampionëve.

Bavarezët e dominuan takimin nga fillimi deri në fund, duke shënuar nga dy herë në secilën pjesë.

Reklame

Kingsley Coman shënoi dy herë, ndërsa nga një herë shëuan Corentin Tolisso e Leon Goretzka, për ta mbyllur takimin me rezultat 4-0.

Ajo që bie në sy mbëmë ishte prania e sulmuesit Luis Suarez i cili debutoi në Ligën e Kampionëve me fanellën e Atleticos.

Ndeshja e fundit që kishte zhvilluar me Barcelonën, ka qenë pikërisht ndaj Bayern Munich, që ishte mbyllur me rezultat 8-2 në të mirë të bavarezëve.

Në atë ndeshje Luis Suarez shënoi golin e fundit të epokës së tij me Barcelonën.

Bayern Munich duket se i është kthyer në makth Suarezit, pasi në vetëm dy ndeshje skuadrave të tij ia kanë shënuar 12 gola. /Telegrafi/