BDl: Sot hyn në fuqi ligji për administratën dhe sektorin publik

Bashkimi Demokratik për Integrim njofton të gjithë të punësuarit në administratën e shtetit dhe sektor pubik që nga sot hyjnë në fuqi ndryshimet e ligjeve për të punësuarit në administratë dhe në sektorin publik të miratuara në Kuvend më 17 janar.

Këto ndryshime mundësojnë:

Reklame

Njohjen e diplomave të të gjithë atyre administratorëve të shtetit dhe të sektorit publik, që janë punësuar me shkollë të mesme dhe në ndërmjet kohë kanë kryer fakultet. Rrogën do ta marrin sipas nivelit të arsimimit që e posedojnë aktualisht.

Bëhet fjalë për të gjithë të punësuarit sipas këtyre dy ligjeve në pushtet qëndror dhe lokal, arsim, shkencë, kulturë, shëndetësi, punë dhe politikë sociale, agjenci, fonde, institucione publike, etj.

Avansim në vendet e punës nuk pengohet më nga lëvizjet horizontale në vende të ndryshme pune. Kjo hap rrugën për avansim meritor të shumë administratorëve.

Realizimi i këtij premtimi solli 100% përmbushje të programit të premtuar nga ana e BDI në zgjedhjet e vitit 2016.