Bileta nga Gjermania më lirë se sa relacioni Shkup-Bllacë

Advertisment

Mërgimtari nga Shkupi, Baki Emini në statusin e tij në Facebook, me një dozë humori shkruan se senduiçin që e pagoi në avion gjatë fluturimit prej Memingenit të Gjermanisë për në Shkup, i kushtoi sa bileta të cilën e pagoi për fluturimin në një drejtim ! Një muaj më parë, ai e kishte rezervuar biletën për vetëm 9.95 euro, ndërsa gjatë udhëtimit për në vendlindje, një sanduiç e pagoi për 9.00 euro.

Malli për vendlndje e nxiti Bakiun që të marr këtë vendim për të udhëtuar në këto kohëra kaq të vështira, por asnjë barrierë nuk është e padepërtushme kur bëhet fjalë për t`u çmallur me familjarët dhe të afërmit, informon Shtegu.com. Udhëtimin e realizoi me kompaninë ajrore ëizzAir, nga Menningeni i Gjermnaisë, ndërsa për të njëjtin destinacion, një shok i tij pagoi 150 euro.

Reklame

Lidhur me kontrollet për koronavirusin, ai rrëfen se gjithçka kishte shkuar në rregull, me përjashtim se kur të kthehet në Gjermani, do të duhet t`i nënshtrohet testit. Po që se ai rezulton pozitiv, duhet të karantinohet, në të kundërtën, gjithçka do të vazhdojë me rutinën e zakonshme të përditshmërisë.

Përndryshe, Bakiu është një sipërmarrës i suksesshëm në Gjermani dhe nuk e ka ndërmend t`i ndalojë vizitat në vendlindje pa marr parasysh pengesat që mund të paraqiten./Shtegu.com