Ç’do ndodhë me shqiptarët? Mitsotakis shkrin Ministrinë e Emigracionit

28
#

Kryeministri i ri i Greqisë, Kyriakos Mitsotakis, ka nisur menjëherë punët e vrullshme për të çuar përpara vendin. Me të marrë në dorë pushtetin, shefi i ri i qeverisë greke ka zhvilluar mbledhjen e parë të kabinetit qeveritar.

Në fjalën e tij, Mitsotakis ka përshkruar një model të ri të qeverisjes së vendit, duke propozuar ndryshime të mëdha në mënyrën e funksionimit të qeverisë. Një ndër ndryshimet e menjëhershme të Mitsotakis është edhe shkrirja e Ministrisë së Emigracionit, një dikaster që ka kaluar tashmë nën Ministrinë e Mbrojtjes.

“Prioriteti i 12 është një Greqi e fuqishme në një botë që ndryshon. Kam biseduar ndërkohë me shumë homologë të mi në BE. Bisedova dje edhe me zv/presidentin amerikan dhe me vetë presidentin amerikan dje në mbrëmje për të rikonfirmuar rëndësinë strategjike të marrëdhënieve të Greqisë me SHBA”, ka thënë Mitsotakis, gjatë mbledhjes me kabinetin e ri qeveritar.

Mitsotakis ka deklaruar se qeveria e tij do të bëjë përpjekje të rrisë zhvillimin ekonomik, sigurinë e qytetarëve, të vlerësojë pasurinë shtetërore, të ndihmojë shtresat në nevojë, të përmirësojë sistemin e arsimit dhe Shëndetësisë, të respektojë kontratat e punës, të rigjenerojë shtresën e mesme dhe të mbrojë mjedisin.