Coronavirusi gjunjëzon turizmin ja vendet që do preken më shumë (tabela)

Advertisment

PBB globale në vitin 2020 do të rritet 2,4 për qind, në rënie të ndjeshme krahasuar me 2,9 për qind në vitin 2019. Këto janë vlerësimet e përditësuara të OECD, Organizata për Bashkëpunim dhe Zhvillim Ekonomik.

Ngadalësimi i atribuohet efekteve në ciklin ekonomik dhe do të vijojë në muajt e ardhshëm për shkak të përhapjes në planet të virusit Covid 19, për të cilin ende nuk është gjetur vaksina. Përditësimet e orëve të fundit tregojnë se situata është më komplekse se sa u shfaq në javën e kaluar.

Reklame

Duke analizuar situatën, ekonomistët, politikanët dhe bankierët qendrorë po marrin masa drastike që nuk mbahen mend në Perëndim, që nga kohërat e Lu ftërave Botërore. Është e qartë se sa më shumë kohë kalon, pasojat ekonomike do të rriten. Vlerësimet po përkeqësohen me kalimin e javëve dhe me përditësimin e numrit të të prekurve.

Mjaft të mendojnë që më 4 shkurt, Goldman Sachs supozoi një rritje të PBB globale me 3,25 për qind (me një rënie 0,3 për qind krahasuar me pritshmëritë e mëparshme). Ndërkohë siç shihet, në fillim të marsit, OECD është më drastike, duke e bërë të qartë se do të jetë shumë nëse PBB do të rritet me 2 pikë.

Disa vende do t’i ndiejnë më shumë se të tjerat pasojat. Këtu bëjnë pjesë ato vende ku turizmi zë një pjesë të rëndësishme në ekonominë e tyre. Ndër më të goditurit në këtë klasifikim të veçantë sipas “World Travel and Tourism Council” do të jenë Filipinet (një e katërta e PBB vjen nga sektori i turizmit) dhe Tajlanda (ndikimi i turizmit në PBB është 21,6 për qind).

Në vend të tretë, Greqia (20,6 për qind) ndjekur nga Portugalia (19,1 për qind). Edhe Italia, e cila renditet në vend të dhjetë do të paguajë një faturë të kripur, duke qenë se “varësia” e saj nga turizmi në rritjen e përgjithshme është më e lartë se 13 për qind.