“Deklarata e Vulinit nuk meriton koment” nga kabineti i Pendarovskit

Advertisment

Pasi Ministri serb i Mbrojtjes Aleksandar Vulin përcolli një deklaratë të papërshtatshme, e cila ofendoi tërë vendin, dhe mbi të gjitha Presidentin Pendarovski. TV21 kërkoi një qëndrim nga Villa Vodno.

Nga kabineti i Presidentit u përgjigjën shkurt:

Reklame

“Një qëndrim i tillë nuk meriton komente.”

Përndryshe, Aleksandar Vulin shprehu retorikë të ashpër dhe reagoi ndaj deklaratës së Pendarovskit për “Gazetën Express” për të cilën ai tha se ishte kundër idesë së korrigjimit të kufijve midis Kosovës dhe Serbisë. Kështu Vulin e komentoi deklaratën:

“Presidenti i Maqedonisë së Veriut mund të heshtë lirisht në gjuhën që askush nuk e pranon përveç Serbisë, edhe më shumë të heshtë në gjuhë të tjera, sepse askush nuk po e kërkon dhe nuk e pranon mendimin e tij,” tha Vulin.

Kjo nuk është hera e parë që Vulin i është përgjigjur një deklarate nga kreu i shtetit. Ai bëri të njëjtën gjë vitin e kaluar në lidhje me një deklaratë për Kosovën dhe Serbinë. Pastaj Vulin i tha Pendarovskit që të shikonte hartën e Shqipërisë së Madhe dhe Maqedonisë së Veriut.