Derrat e egër po e lënë pa misër Dibrën

Zwei junge Wildschweine (lat. Sus scrofa) spielen am Dienstag (24.11.2009) im Wildpark Schloss Tambach (Oberfranken) bei Coburg in ihrem Gehege. Laut Wettervorhersage ist nach einer Regenpause am Mittwoch bis zum Wochenende wieder vermehrt mit Niederschlag in Oberfranken zu rechnen. Foto: David Ebener dpa/lby +++(c) dpa - Bildfunk+++
Advertisment

Bujqit dibran edhe këtë verë kanë dëme të mëdha nga derrat e egër në misër, por edhe në kulturat të tjera bujqësore. Prezenca e derrave të egër këtë vit nuk është vetëm në fshatrat e Dibrës, por edhe në pjesët periferike të qytetit.

Në oborret e shtëpive periferike të lagjes “Proi i Vakofit”, në afërsi edhe të objektit të ish fakulteteve të disperzuara të Universitetit të Tetovës në Dibër, mbrëmë derrat e egër tërësisht kanë dëmtuar sipërfaqe të mbjella me misër. Në bisedën që patëm me pronarët e kësaj shtëpie, të cilët kanë një kopsht në oborr të mbjellë me kultura bujqësore, u informuam se disa derra të egër gjatë orëve të natës kanë depërtuar deri në oborrin e kësaj shtëpie. Banorët e disa fshatrave të Dibrës poashtu pohojnë se prezenca e derrave të egër këtë verë është masovik, ndërsa kjo dukuri sidomos është prezent në fshatrat kufitare si Spas, Bomovë, Konjar, Shullan, Mogorçë e tjerë.

Reklame

Dukurinë në fjalë na e konfirmoi edhe kryeshefi i Njësisë së Ministrisë për Bujqësi në Dibër, Arben Mulladauti. Ai thotë se edhe këtë sezon, këto kafshë të egra janë prezent në territorin tonë dhe bëjnë dëmtime veçmas në kulturën e misrit. Sipas tij, duke marrë parasysh këtë dukuri dhe dëmet që bëhen pothuajse çdo vit ndaj kulturave bujqësore, një pjesë bukur e madhe e bujqve tashmë nuk po e kultivojnë misrin në tokat e tyre pjellore. Përveç dëmeve që shkaktojnë derrat e egër, para një muaji dëme pikërisht në misër kanë shkaktuar edhe arinjtë, të cilët poashtu janë prezent në territoret e rajonit të komunave Dibër, Qendër Zhupë dhe Mavrovë-Rostush. Mulladauti tregon se shumë buq për dëmet që u janë shkaktuar, me padi individuale gjyqësore kërkojnë dëmet t’ua kompenson koncesioneri i pyjeve.

Dukuria në fjalë në mënyrë masive është prezente edhe në Komunën rurale Qendër Zhupë. Banorët e fshatrave Papranik i Madh, Papranik i Vogël, Zhiti, Ballana, Gorenca… thonë se derrat e egër gjatë kësaj sezone kanë shkaktuar dëme të mëdha në kulturat bujqësore . Edhe në këtë rajon dëmtime më të mëdha ka tek mistri. Nga ana tjetër, fillimin e muajit tetor kur fillon edhe sezoni i gjuetisë për derrat e egër, me padurim e presin gjuetarët e Dibrës dhe rajonit. Pothuajse për çdo vit në këtë sezonë gjuetarët gjuajnë derra të egër , mishi i së cilëve ka një çmim të lartë në treg. Shoqatat e gjuetarëve “Stogova 1” dhe “Stogova 2”, janë duke u organizuar për një gjueti të suksesshme gjatë sezonit të ardhshëm dhe shpeshherë mes gjuetarëve debatohet me gjuhën e tyre kush do të fitojë trofeun më të madh në gjah. (koha.mk)