Dikur ambasador edhe në Jugosllavi: Ky është njeriu që mund ta zëvendësoj Kim Jong-un

Xhaxhai i Kim Jong-un është shfaqur si një “lojtar i madh i pushtetit” pas dekadash në mërgim ndërsa thashethemet vazhdojnë të qarkullojnë rreth liderit të Koresë së Veriut.

Si djali i fundit i mbijetuar i themeluesit të Koresë së Veriut, Kim Il-sung, Kim Pyong-il shihet nga shumë si kandidati i lartë për vendin e parë të kombit komunist, nëse Kim Jong-un vdes papritmas.

Sipas medieve të huaja, përcjell Telegrafi, njerëzit ushtarakë konservatorë të Koresë së Veriut ka të ngjarë të favorizojnë atë para Kim Yo-jong – motra më e vogël e Kim, sipas ish-ministrit të Koresë së Veriut Thae Yong-ho i cili u larguan në Jug në vitin 2016.

Ata besojnë se Kim Yo-jong, 30 vjeçe, nuk mund të mbante pushtetin, për shkak të moshës dhe gjinisë së saj.

Z. Yong-ho tha: “Problemi është se një Kore e Veriut e udhëhequr nga Kim Yo-Jong nuk ka gjasa të jetë e qëndrueshme”.

“Për të shmangur këtë, disa në udhëheqje do të përpiqeshin ta rikthenin në qendër të pushtetit Kim Pyong-il, i cili tani është nën arrest shtëpiak”.

Ai paralajmëroi se një ofertë serioze për të qenë në pushtet mund të shfrytëzohej për të rikthyer 65-vjeçarin në një përpjekje për të ndaluar Korenë e Veriut të binte në kaos.

Por kush është Kim Pyong Il?

Sipas International Business Times, përcjell Telegrafi, Kim Pyong Il u dëbua nga Koreja e Veriut në vitin 1979 dhe u bë ambasador në Republikën Socialiste Federative të Jugosllavisë.

Ai më pas shërbeu si një ambasador në vendet e tjera të Paktit të Varshavës, dhe u kthye në Korenë e Veriut vetëm në nëntor të vitit 2019 pasi u tërhoq si ambasador i vendit në Republikën Çeke.

Gjatë mërgimit të tij në Evropë, Kim Pyong-il thuhet se ka jetuar një jetë me një luks relativ në krahasim me bashkatdhetarët e tij – megjithëse është vërejtur se ka mbajtur një pamje burrërore.

Por ka që e kanë hedhur poshtë pretendimin, përfshirë ligjvënësin e partisë qeverisëse të Koresë së Jugut, Kim Byeong-ki i cili tha se nuk kishte asnjë mundësi që Kim Pyong-il të mund të pasonte nipin e tij dhe shtoi: “Unë qesh me këto teori”.

Historia e tij si një njeri që organizoi festa të egra gjatë viteve 70 mund të ishte kundër tij, me vitet e tij në mërgim duke e bërë gjithnjë e më të vështirë sigurimin e aleancave.

Kim Yo-jong, nga ana tjetër, ka zhvilluar një rrjet të ndikimit që kur ajo u ngrit në poste më të larta të pushtetit nga vëllai i saj Kim Jong-un.

Ajo madje “vodhi vëmendjen” në Lojërat Olimpike Dimërore në shkurt vitit 2018 dhe madje arriti të rrëmbejë një vend afër nënkryetarit amerikan Mike Pence.