Ditëlindje dhe mort !Në shenjë kujtimi për Shpëtimin

Advertisment

Urim Salihu

Do të duhej që vitet të vazhdonin të rridhnin pandërprerë por ka një çast ku ndalet gjithçka dhe nuk kemi forcë të bëjmë asgjë.Erdhe në jetë para 19 vitesh .Ishte Pranverë dhe në këtë stinë ike mes zbrazëtirës dhe dhimbjes .

Reklame

Në jetët e njoma ,në jetët rinore më saktë kur kjo ndodhë,kur ora e mortjes vjen pa trokitur atëherë trishtimi dhe dhimbja marrin përmasa .Por vdekja nuk zgjedhë sepse ne të gjithë jemi qenie të vdekshme .

Vdekja nuk vjen me moshën e shtyrë por me harresën.Por Shpëtim ti je akoma në praninë e gjithësecilit ,je në atë vend në klasën tënde.Je aty ,ndonëse mes një kujtimi të trishtë ,që na godet me gjithë forcën neve që njohëm një njeri kaq të mirë,kaq të fisëm dhe kaq të pafajshëm.

Gëzuar ditëlindjen Shpëtimi ynë që vdekja ndoshta mund të tretë pjesën fizike tënden,por kujtimet tona nuk do treten asnjëherë për ty.

Binte një shi i lehtë si sot e një vit më parë.Shpëtimi po bënte udhëtimin e fundit dhe fatal për të.Pastaj çdo gjë u ndal në atë aksident të mallkuar.Orët e jetës së tij të njomë,dashuria e tij e këputur, dhe më pas ra një zi e përjetshme për prindërit e tij,për të gjithë .Shpëtimi u shkëput prej nesh dhe pranvera filloi të qante për të .Çdo stinë qan për të nën shpirtërat e akullt e gjithësecilit nga ne që të njohëm .

Një vit ,sa një jetë mungese mes dhimbjesh që degëzohen dhe depërtojnë deri në thellësitë e shpirtit .Shpëtimi ynë i shtrenjtë do të duhej të festonte ditëlindjen e rradhës mes qirinjsh që do t’i fryente dhe do mendonte për dëshirat,jetën, të ardhmen por… .Por tek secili nga ne është një orë që ndalet ,një kohë që ndalet.

Gëzuar ditëlindjen Shpëtim …