Drejtori i Fondit Pensional të Maqedonisë, Dritan Bexheti ka publikuar lajmin e mirë për të gjithë pensionistët e Maqedonisë.
“Fondi Pensional dhe Invalidor i Maqedonisë së Veriut, në bashkëpunim me Qeverinë e Republikës së Maqedonisë së Veriut, e përcaktuan metodologjinë e re për llogaritjen e pensioneve në muajin mars dhe shtator, me të cilën mbi 326.000 pensionistë do të marrin pensione më të larta.
Kështu, pensioni mesatar në vitin 2022, krahasuar me vitin e kaluar, do të jetë më i lartë duke marrë parasysh koston e jetesës dhe rritjen e pagës mesatare në vendin tonë.
Me rëndësi është që kjo është një zgjidhje sistematike dhe bashkë me të nuk do të ketë rritje të shkallës për kontributet e pensioneve.
Qeveria, duke pasur parasysh krizën energjetike dhe të çmimeve tjera në vend, në këtë mënyrë siguron mbështetje direkte për pensionistët nga 1000 denarë në muajt mars, prill dhe maj 2022” shkruan Bexheti.
