Ekspertët suedezë: Karantina mund të bëjë më shumë dëm sesa një virus

Dihet që Suedia ka marrë një qëndrim shumë të ndryshëm nga pjesa tjetër e Evropës dhe botës në luftën kundër virusit COVID-19.

Ata ende po jetojnë një jetë më normale, dhe megjithëse autoritetet shëndetësore thonë se do të ketë një numër të madh të vdekjeve, ata janë të bindur se dëmi më i madh për shoqërinë do të ishte imponimi i një bllokade totale.

Deri më tani, në Suedi janë raportuar 9141 raste të coronavirusit dhe 793 njerëz kanë vdekur.

Aktualisht, askush në botë nuk ka udhëzimet e sakta se si të luftohet kjo sëmundje.

“Strategjia suedeze nuk thotë që virusi është i dobët dhe se ne e nënvlerësojmë atë – përkundrazi – ne jemi të vetëdijshëm për situatën, por nuk ka asnjë dëshmi se karantina e rreptë e prezantuar nga shumë vende të botës do të jetë më e mirë”, tha neurologu suedez dhe anesteziologu Claes Hultling, transmeton Telegrafi.

Ai thotë se mentaliteti i suedezëve është i ndryshëm nga njerëzit e tjerë dhe se suedezët, kur u thuhet se nuk duhet të bëjnë diçka, ata veprojnë në përputhje me rrethanat pa ndalime të rrepta.

“Ju nuk mund të shkatërroni ekonominë, nuk jeni të sigurt se si masat ndikojnë te virusi”. Ju nuk mund të shkatërroni tërë ekonominë, të mbyllni gjithçka në shtëpi, dhe nuk jeni të sigurt se si do të ndikojë me të vërtetë kjo masë te virusi. Masa e bllokadës totale, me siguri, mund të shkatërrojë ekonominë dhe jetën e qytetarëve dhe të na godasë më keq se virusi. Karantinën totale, e shohim se mbase në disa vende funksionon, por me çfarë kosto dhe kur duhet të mbahen taktikat e tilla”, tha Hultling.

Strategjia jonë është të minimizojmë kontaktin, veçanërisht të moshuarit dhe ata me sëmundje kronike. Të gjithë personat e infektuar dhe të gjitha kontaktet e tyre janë gjetur, sistemi është ngritur që të izolojë me të vërtetë familjet dhe miqtë e të infektuarve, dhe jo të gjithë shtetin. Kjo funksionon tani sepse suedezët nuk do të dalin jashtë dhe do të rrezikojnë të tjerët nëse janë në izolim”, thotë mjeku. /Telegrafi/