Ende nuk dihet kur do të bëhet hapja e kufijve në Maqedoni

Komisioni për Sëmundje Ngjitëse për hapjen e kufijve do të diskutojë gjatë kësaj jave. Ende nuk dihet nëse kufijtë do të hapen më 15 qershor, ashtu siç u paralajmërua më herët.

Nga atje thonë se kjo varet nga të dhënat epidemiologjike, përkatësisht nga numri i të infektuarve. Ata potencojnë se po ndiqet situata me coronavirusin në vend.

Reklame

Gjithashtu përveç hapjes së kufirit, Komisioni për Sëmundje Ngjitëse do të bisedojë për funksionimin e sërishëm të dy aeroporteve në Shkup dhe Ohër si dhe me avio-kompaninë ‘WizAir’, që paralajmëroi se si rezultat i kufizimeve të vazhduara deri më 14 qershor përsëri suspendohen fluturimet nga vendi dhe për në Maqedoni.