Filipçe: Po përgatitemi për valën e dytë të koronavirusit, ja kur pritet të ndodhë?!

Maqedonia e Veriut po përgatitet për valën e dytë të koronavirusit, por kjo pritet të ndodhë gjatë vjeshtës.

Ministri i Shëndetësisë, Venko Filipçe në konferencën e sotme për shtyp tha se bazuar në studimet e deritanishme por edhe nga përvojat me epidemi tjera se do të ketë valë të dytë të virusit dhe se për këtë institucionet shtetërore po përgatiten.

Reklame

“Të gjitha studimet e deritanishme por edhe nga përvojat me epidemi tjera, jemi dëshmitarë për të dhënat që vijnë nga Kina, tregojnë që virusi me siguri do të ketë edhe një valë të dytë. Ne po përgatitemi për këtë komfor konsultimeve që kemi me shumë shtete dhe me OBSH-në. Do të nisim investim të madh në sistemin shëndetësorë dhe do të përforcojmë repartet për përkujdesje intensive në të gjithë vendin. Po përgatitemi për valën e re në vjeshtë dhe do ta presim më të përgatitur për të mbrojtur shëndetin e qytetarëve”, theksoi ministri i shëndetësisë.

Ai shtoi se do të pajisen të gjitha repartet intensive me aparaturë moderne me krevate, respiratorë, paratë për rëntgen dhe EKG dhe gjithçka tjetër.

Filipçe tha se janë të kënaqur nga dinamika e procesit të skriningut dhe nga rezultatet. Deri tani vetëm një person ka dalë pozitiv. Ai theksoi se sot në Komisionin për sëmundje është analizuar situata dhe përkundër faktit se ka rritje të numrit, konstatimi i përbashkët është se epidemia është në kontrollë.

“Numri i rasteve aktiv është stabil. Numri i madh i të konfirmuar janë nga kllaster të njohur, ndërsa disa janë infektuar nga grumbullimet. Është konfirmuar se numri i rritur është si pasoj e lehtësimit të masave dhe rritjes së lëvizjes së qytetarëve dhe kjo është rast edhe në vendet fqinjë dhe vendet tjera në botë, kjo nuk është e pa-pritshme. Betejën e parë e kemi fituar por lufta nuk ka përfunduar”, tha FIlipçe.

Gjatë 24 orët e fundit janë regjistruar 22 raste të reja, me çka numri i të infektuarve në vend është rritur në 1.839. Ndërsa janë shëruar 50 persona nga koronavirusi, me çka numri i përgjithshëm i të shëruarve është rritur në 1.351. (INA)