Finlanda e (pa) lumtur: Numri më i madh i vdekjeve nga droga në Europë!

Finlanda, vendi më i lumtur në botë, rezulton shteti europian me numrin më të madh të vdekjeve nga droga në mesin e njerëzve nën 25 vjeç në raport me popullsinë e saj.

Shifrat shqetësuese i përcjell Qendra Europiane e Monitorimit të Drogave dhe Varësisë prej tyre. Në raportin e tij vjetor, organi monitorues europian tregon se përdoruesit e drogës në Finlandë vdesin mesatarisht dhjetë vjet më të rinj në krahasim me ata në vendet e tjera të BE-së, si dhe në Norvegji dhe Turqi.

Sipas tij, Finlanda ka regjistruar pesë vdekje të tilla në javë, që është më shumë se mesatarja e vdekjeve të shkaktuara nga aksidentet rrugore. një tablo kjo që kontrastin thellë me tablonë e lumturisë që paraqet prej kohësh ky vend në krahasim me pjesë të tjera të globit. Edhe këtë vit, për të pestën herë radhazi, shteti skandinav u rendit i pari në listën e vendeve më të lumtura të botës.

Finlanda mori vlerësime shumë të larta për të gjitha parametrat nga raporti botëror për lumturinë, si jetëgjatësia, mbështetja sociale dhe korrupsioni i ulët. Pas saj, në listë vinin Danimarka dhe Islanda, më pas vijnë Zvicra, Holanda, Suedia, Norvegjia, Izraeli dhe Zelanda e re. Vendet më të palumtura rezultonin Afganistani, Zimbabve, e Ruanda.

Top Channel