Ganiu: Të thërrasin në tubim, ta lëshojnë himnin e VMRO dhe nuk të japin fjalën se iu pengon gjuha shqipe

Kryetari i komunës së Çairit Visar Ganiu në debatin e mbrëmshëm në Alsat mes tjerash theksoi se i vjen turp për nënçmimin që i është bërë kundër kandidatit të tij Bekim Sali në tubimin e VMRO-së.

Sipas Ganiut është nënçmuese që të ftohesh në tubim dhe mos të të japin fjalë për shkak se iu pengon gjuha shqipe.

“Dallimi mes neve dhe juve Bekim është se ne kemi dal dhe promovuar ide projektesh. Nuk e di që ju keni promovuar diçka.

Nënçmim më të madh nuk ka, që të të thërrasin në tubim, ta lëshojnë himnin e VMRO-së dhe mos të ta japin fjalën se iu pengon gjuha shqipe. Unë nuk kam shkuar në tubim, unë jam partner i koalicionit por në tubime nuk kam shkuar edhe nuk e lejoj këtë nënçmim që ta kanë bërë ty.

Edhe mu më vjen turp prej anës tjetër . Unë nuk besoj se ka premtuar diçka Arsovska ndërsa ne kemi dal me projekte konkrete. Nuk di si ta argumentoj që tubimi është i VMRO-së e jo i Danellës.

Nuk kam pa askund në botë që ta ftojnë kandidatin dhe mos t’ia japin fjalën”, u shpreh Visar Ganiu në emisionin ‘200’ në Alsat.Ganiu mes tjerash theksoi se 80 për qind e premtimeve është realizuar gjatë mandatit katërvjeçar të cilën qytetarët e vlerësuan me votën e tyre më 17 tetor.