Italia kërkon nga UNESCO statusin e trashëgimisë për kafen Espresso

Italia do të aplikojë për statusin e Unesco-s për kafen Espresso, duke pretenduar se ajo është “shumë më shumë se një pije e thjeshtë”.

“Është një ritual autentik dhe një shprehje e socialitetit tonë që na dallon në mbarë botën”, tha Gian Marco Centinaio, nënsekretari i bujqësisë, duke konfirmuar se aplikimi ishte dorëzuar.

Reklame

Sipas Institutit Italian Espresso, i themeluar në vitin 1998 me qëllimin specifik për të mbrojtur dhe promovuar Espresson origjinale, tregu vlen më shumë se 4 miliardë euro në vit, me më shumë se 90% të italianëve që pinë nga një filxhan çdo ditë.

Rregulloret strikte të institutit për Espresson përfshijnë përdorimin e një përzierjeje të çertifikuar kafeje, pajisje të çertifikuara dhe madje edhe personel të licencuar, shkruan Theguardian, transmeton Klankosova.tv.

Ai specifikon se kremi, shkuma më e lehtë që qëndron në majë të pijes së errët me kafeinë, “duhet të jenë uniforme dhe të qëndrueshme për të paktën 120 sekonda nga koha kur kafeja është shpërndarë pa u përzier”.

Ai thotë se ngjyra e tij duhet të jetë “kafe-lajthi në kafe të errët [dhe] e karakterizuar nga reflekse të errëta”.

Espresso u bë shpejt një pjesë integrale e identitetit kombëtar të Italisë pas krijimit në Torino në fund të shekullit të 19-të.