Koha kur George Bush kishte paralajmëruar për rrezikun e një pandemie (VIDEO)

Presidenti i atëhershëm republikan bëri një fjalim në vitin 2005 në të cilin shpjegoi se çfarë duhet të bëhej dhe si duhet t’i përgjigjet vendi i tij ndaj një krize siç është ajo e ndonjë pandemie.

“Një pandemi është sikur një zjarr në pyll. Nëse kapet herët, mund të ndalet pa dëme të mëdha. Nëse lejohet të përhapet shumë, mund të bëhet ferri që mund të përhapet shpejt përtej aftësisë sonë për ta kontrolluar atë”, kishte thënë presidenti i atëhershëm George Ë. Bush në një fjalim të vitit 2005 në selinë e Institutit Kombëtar të Shëndetësisë, përcjell Telegrafi.

Bush dëshironte që vendi i tij dhe e gjithë bota të përgatiteshin për një pandemi si koronavirusi, virus i cili tashmë ka lënë gati 150,000 të vdekur dhe më shumë se dy milionë të infektuar.

“Për t’iu përgjigjur një pandemie, ne kemi nevojë për personel mjekësor dhe pajisje të përshtatshme”, tha Bush.

“Në një pandemi, gjithçka, që nga shiringat, në shtretërit spitalorë deri te frymëmarrësit dhe pajisjet mbrojtëse do të ishin të pakta”, paralajmëroi ai.

Në fjalimin e tij, Bush prezantoi të gjitha llojet e propozimeve dhe përshkroi se si një pandemi do të zhvillohej në Shtetet e Bashkuara.