Koronavirus, Filipçe: Do të formohet shtab i krizave, shtetasit kinez dolën negativ

Advertisment

Pas takimit të jashtëzakonshëm të Qendrës për Menaxhim me Kriza, ministri i Shëndetësisë, Venko Filipçe njoftoi se do të formohet shtab i krizave që do të koordinojë të gjitha aktivitete rreth virusit Covid 19.

Filipçe gjithashtu njoftoi se tre shtetasit kinez të cilët kanë ardhur për punë në Maqedoninë e Veriut janë testuar dhe janë negativ, por që do të izolohen edhe 14 ditë nën monitorim të institucioneve tona.

Reklame

Në lidhje me dy fluturimet që sot pritet të arrijnë nga Milano në Shkup dhe Ohër, Filiçe theksoi se të gjithë udhëtarët do të kontrollohen në detaje, ndërsa në rast se shprehet nevoja për izolim te pacientëve, fillimisht do të shfrytëzohen spitalet e Shtipit, Velesit dhe Gostivarit ndërsa të gjithë udhëtarët që vijnë nga pjesa Veriore e Italisë do të mund të kalojnë vetëm në vendkalimin kufitar “Bogorodicë”, “Bllacë”, “Deve Bair” dhe “Qafthanë”./Alsat