Kufijtë hapen më 15 qershor?!

Ministri i Shëndetësisë, Venko Filipçe në një takim virtual me gazetarët theksoi se javën e ardhshme Qeveria do të vendosë për hapjen e kufijve. Sipas tij, kjo datë është akoma e pa definuar pasi që akoma janë duke vazhduar konsultimet me vendet fqinje si Shqipërinë, Kosovën, Bullgarinë dhe Greqinë.

Filipçe potencoi dy çështje për të cilat po diskutohet me Qeveritë e vendeve të rajonit: hapja e kufijve më 15 qershor pa pasur nevojë të kryhen teste për Kovic-19 dhe shtetasit nga vendet fqinje derisa kanë nevojë për hospitalizim kjo ti mundësohet pa pagesë.