Lituania, Letonia dhe Estonia hapin kufijtë

Advertisment

Lituania, Letonia dhe Estonia kanë hapur kufijtë, duke krijuar grupin e parë të udhëtarëve në Bashkimin Europian, me shpresën për të përmirësuar ekonominë e goditur nga pandemia e koronavirusit.

Dhjetëra oficerë të policisë kufitare hoqën shenjat e automjeteve që sinjalizojnë ndalimin në kufi. Mediet lokale raportuan se më pas ata u mblodhën përgjatë rrugës për të ngrënë tortë dhe për të pirë kafe.

Reklame

“Kemi një festë të vogël për rihapjen e kufirit”, deklaroi oficeri, Martin Maestul pasi automjetet kaluan sërish në autostradën e rihapur të rajonit.

Grupi baltik i udhëtarëve është një mundësi për të rifilluar biznesin dhe një fije shprese për njerëzit, jeta e të cilëve po kthehet në normalitet”, theksoi kryeministri i Lituanisë, Saulius Skvernelis.