Mali i Zi ngriu 44 prona të 34 shtetasve rusë

Ministria e Punëve të Brendshme të Malit të Zi thotë se ka ngrirë 44 prona të 34 shtetasve rusë kundër të cilëve janë vendosur sanksione.

Në një deklaratë të lëshuar mbrëmë thuhet se ata “kishin ndërmarrë hapin e parë” në përputhje me pajtueshmërinë 100 për qind të Malit të Zi me politikën e jashtme dhe të sigurisë të Bashkimit Evropian.

“Për 44 pasuri të patundshme, Drejtoria për Kadastër dhe Pronë Shtetërore ka miratuar vendime përkatëse që kufizojnë disponimin e pronës në Mal të Zi për këta persona”, thuhet në kumtesë.