Maqedonia dhe Kosova së shpejti pa kufi

Ministri për Punë të Jashtme në Maqedoninë e Veriut, Bujar Osmani, ka paralajmëruar një heqje të kufirit ndërmjet Maqedonisë së Veriut dhe Kosovës, transmeton Portalb.mk.

“Maqedonia e Veriut parasheh të mos ketë kufij me Kosovën”, u shpreh Osmani në një intervistë për TV 21, duke vlerësuar që kufijtë tashmë janë vetëm pengesë në qarkullimin e njerëzve dhe mallrave, ato nuk e ruajnë sigurinë e shteteve.

Ai ka shprehur mirëkuptim në lidhje me qëndrimi e Kosovës për mospërfshirjen në Ballkanin e Hapur.

“Ballkani i Hapur duhet kompletuar me shtetet e tjera të rajonit, përfshirë Kosovën”, deklaroi Osmani, duke theksuar që kjo nismë do të jetë e suksesshme në momentin kur të gjithë 6 shtetet e rajonit do të përfshihen aty.