Mbyllen shkollat në Shqipëri shkak i koronavirusit

Advertisment

Kryeministri Edi Rama ka deklaruar sot nga mbledhja e jashtëzakonshme e Qeverisë, pas konfirmimit zyrtar të dy rasteve të para me coronavirus në vendin tonë se OBSH kundërshton me forcë mbylljen e kufijve.

“Në gjithë vendet ku ka prevaluar qetësia dhe vetëpërmbajtja dhe administrimi i këtij fenomeni kërcënues është më i mirë. OBSHja kundërshton me forcë mbylljen e kufijve.

Reklame

E them këtë se në mënyrë të vazhdueshme është predikuar nga burime të pacertifikuara që nuk kanë asnjë kompetencë për këshilltarin apo sugjeruesin se duheshin dhe duhen mbyllur kufijtë dhe sic tregojnë eksperiencat e vendeve mbyllja e kufijve është një masë shumë drastike e përdoruar pothuajse fare apo pjesërisht në raste shumë specifike të lidhur me të dhëna shumë specifike që vendi sot nuk i ka” tha kryeministri Rama.

Rama më tej shtoi mbylljen e institucioneve arsimore dy javë dhe anulimin e fluturimeve drejt Italisë.

“Masat e sotme, gjithnjë në ndjekje të protokollit të përcaktuar janë pezullimi i fluturimeve direkte nga Veriu i Italisë dhe me të gjitha zonat e kuqe deri në datën 3 prill, mbyllja e institucioneve arsimore për 2 javë për të ndaluar përhapjen e pastaj vlerësimi më tej”, ka deklaruar ai në këtë mbledhje të jashtëzakonshme.