Ndëron jetë avokati Numan Limani

Ka ndërruar jetë avokati i njohur, Numan Limani. Lajmin për vdekjen e tij e ka dhënë i biri, Reart Limani.

“Të dashur familjarë, miq dhe dashamirë, me dhimbje të thellë ju informojmë se sot, me datë 19.04.2021, ndërroi jetë babai dhe bashkëshorti Numan Limani. Zoti e pastë nën meshirën e tij”, ka shkruar në Facebook, i biri i të ndjerit Numan Limani.

Falja e xhenazes dhe varrimi i të ndjerit do të bëhet nesër – e martë, në ora 14.00 në Kërçovë.

Ndryshe, Numan Limani ka qenë njëri ndër avokatët më në zë në Maqedoni, ndërsa në vitin 2006-2008 ka qenë edhe Sekretar shtetëror në Ministrinë e Drejtësisë. (koha.mk)