Nuk pati rrymë në Teksas, pronarët kosovarë të një restoranti dhanë mbi 500 vakte ushqimore falas

Advertisment

Pronarët kosovarë të një restoranti në Teksas të SHBA-së, pas një ndërprerje të përkohshme të furnizimit të energjisë elektrike në këtë zonë, vendosën t’i ndihmojnë komunitetin nëpërmjet dhënies së mbi 500 vakteve ushqimore falas.

Ari dhe Blinera Isufaj, bashkë me pesë punëtorë të tjerë të restorantit dhanë qindra vakte ushqimore falas – shpagetë dhe lazanja – pasi ndërprerja e rrymës i kishte lënë banorët e Teksasit të bllokuar në shtëpitë e tyre.

Reklame

“Mora shumë fotografi nga banorët, të cilët thonin se kishin tre ditë që po hanin ushqime të ftohta”, tha Ari Isufaj për TODAY, transmeton Gazeta Sinjali.

Isufaj kishte ardhur nga Kosova si refugjat përgjatë luftës, si 14-vjeçar.

E mërkura, dita kur restoranti shpërndau qindra vakte, gjithashtu shënonte edhe ditën e përvjetorit të 13-të të pavarësisë së Kosovës.

“Në Kosovë, ne ishim të përgatitur për këtë (llojin e motit) me gjeneratorë dhe gjëra të tilla, por një mot kaq i ftohtë na zuri në befasi”, tha Isufaj.