OBSH bën gati ‘ekipin e madh’, për të studiuar origjinën e coronavirusit në Kinë

Advertisment

Organizata Botërore e Shëndetit po formon një ekip ekspertësh ndërkombëtarë për të shkuar në Kinë për të studiuar origjinën e coronavirusit të ri.

Por, siç shkruajnë mediat e huaja, përcjell Telegrafi, ai nuk do të jetë atje para fundit të korrikut, tha të premten kreu i programit të urgjencave të OBSH-së.

Reklame

Ndryshe, siç bëhet e ditur më tej, një ekip dy personash të OBSH-së ka qenë në Kinë për një javë duke u përgatitur për vizitën e ekipit më të madh.

Shefi i programit të urgjencave të OBSH-së, Mike Ryan tha se trupi shëndetësor ishte “shumë i kënaqur” me bashkëpunimin e zyrtarëve kinezë deri më tani, por ngritja dhe vendosja e një ekipi më të madh do të kërkonte kohë.

Ndryshe, Kina është kritikuar për mënyrën sesi e ka menaxhuar situatën me pandeminë, që nga paraqitja e rasteve të para të raportuara, kritika që kanë ardhur kryesisht nga Shtetet e Bashkuara të Amerikës.

Madje, presidenti Donald Trump ka bërë akuza në drejtim të OBSH-së “për bashkëpunim me Kinën dhe fshehjen e informacioneve”, pas së cilës gjë ka njoftuar tërheqjen e SHBA-së nga kjo organizatë.

Sipas të dhënave të fundit, coronavirusi ka prekur mbi 13 milionë njerëz në gjithë botën, prej të cilëve rreth 580 mijë kanë gjetur vdekjen. /Telegrafi/