Osmani: Thaçin, Haradinajn dhe Veselin i kam mundur me vota

Advertisment

Ish-nënkryetarja e Lidhjes Demokratike e Kosovës, Vjosa Osmani, ka thënë se nuk përdor metodat e kundërshtarëve të saj për të fituar vota.

Ajo ka thënë në emisionin “DPT Te Fidani”, në televizionin T7, se llogarit “vetëm në qytetarët”.

Reklame

“Unë nuk kam nevojë as për ndihmën e Gjykatës Speciale, as të fyerjeve, as të askujt hiç”, është shprehur ajo.

“Hashim Thaçin e kam mundur me vota. Në ditët e tij më të mira, ai i ka marrë 160 mijë vota, unë i kam marrë 176 mijë”, ka thënë Osmani.

“Njëjtë edhe Haradinajn, edhe Veselin, edhe këdo tjetër që ka qenë me ta”, ka deklaruar ajo.

Kryeparlamentarja Osmani ka folur për ofendimet që i bëhen asaj në rrjete të ndryshme, por edhe nga politikanë e aktivistë të LDK-së, pjesë e partisë në të cilën ishte vet ajo.

Ajo thotë se e di shumë mirë si organizohen këto dhe kush fshihet prapa tyre.

“Besoj që sot qytetarët e kanë më të qartë se kurrë se a dëshirojnë ta përkrahin të njëjtën medësi politike, apo dëshirojnë të përkrahin një koncept të ndryshimit, që s’ja mbyll qytetarit derën në momentin që përfundojnë zgjedhjet. Apo dëshirojnë një koncept politik që lidhjen me qytetarin e ka të shenjtë.

Unë vetëm mund të them se niveli i fyerjeve, sulmeve e ofendimeve që kanë përdor njerëz që thirren në emër të LDK-së, që fshihen prapa faqeve të ndryshme, është deri në atë nivel të turpshëm që kur ta përgatis një ditë një kolazh, kanë me u turpëruar kur t’i lexojnë ato fjalë, se kush i ka postuar ato e kush janë njerëzit prapa tyre e ku i marrin urdhrat.

Unë të gjitha i di, dihen këta njerëz, i njoh secilin nga ta e di si organizohen e si shkruhen ato fjalë dhe më e keqja është që mburren me ato gjëra. Për fat të keq që e përdorin emrin e presidentit historik për t’i bërë ato fyerje”, ka thënë Osmani në T7.

Ajo tutje shton se të gjitha këto kanë kaluar çështjen politike, duke kaluar në dinjitet.