Pamje nga takimi Hashim Thaçi dhe Albin Kurti (VIDEO)

Advertisment

Presidenti i Kosovës, Hashim Thaçi u takua me liderin e Lëvizjes Vetëvendosje, Albin Kurti ku diskutuan për formimin e institucioneve të reja. Në këtë takim, Kurti nuk ka prezantuar emrin e mandatarit për kryeministër të ardhshëm të Kosovës.
Presidenti Hashim Thaçi ka folur pas takimit me kreu e Lëvizjes Vetëvendosje, Albin Kurtin.

Thaçi ka thënë se i ka dhënë Kurtit 48 orë afat për të nominuar kandidatin për kryeministër.

Reklame

Postimi i plotë:

Sapo zhvillova një takim të shkurtër me kryetarin e Lëvizjes Vetëvendosje, Albin Kurtin, në përpjekje për të implementuar rezultatin zgjedhor të Zgjedhjeve të Përgjithshme të 6 tetorit të vitit të kaluar.

Tashmë është bërë hapi i parë i rëndësishëm i konstituimit të Kuvendit të Republikës së Kosovës, për çka përsëri i përgëzoj deputetët e Kuvendit të Kosovës.

Nevoja e formimit të Qeverisë është jetike për shtetin dhe qytetarët e Kosovës. Z. Kurti sot nuk ishte i gatshëm të ofrojë propozimin e të nominuarit nga Lëvizja Vetëvendosje.

Si president i vendit do ta ushtroj autoritetin tim kushtetues dhe ligjor të ruajtjes dhe kultivimit të unitetit politik e qytetar dhe orientimit euroatlantik të shtetit të Kosovës.

Prandaj, kam vendosur që t’i ofroj z. Kurti kohë shtesë edhe 48 orët e ardhshme për nominimin e kandidatit/kandidates për kryeministër të ardhshëm të Qeverisë së Republikës së Kosovës, para se të marr veprimet e radhës kushtetuese dhe ligjore.