Pas Italisë edhe Austria ndaloi fluturimet drejtë Maqedonisë

Advertisment

Me qëllim të parandalimit të përhapjes së pandemisë së koronavirusit, Austria e ka zgjeruar listën e vendeve, për të cilat vlen ndalesa për aterime në aeroportet austriake të të gjitha vendeve të Ballkanit Perëndimor, përfshirë edhe Maqedoninë e Veriut, ndërsa në listë janë edhe Bullgaria, Rumania, Moldavia dhe Egjipti.

Paraprakisht, veç më ka qenë fuqi ndalimi për fluturimet nga Bjellorusia, Kina, Britania, Irani, Portugalia, Rusia, Suedia dhe Ukraina.

Reklame

Ndalesa e fluturimeve dhe aterimeve nga aeroportet austriake drejt Shkupit dhe Ohrit do të zgjas deri në fund të korrikut, ndërsa vendimi i ri i autoriteteve të Austrisë për lëshimin e serishëm të transportit ajror do të varet nga numri i rasteve aktive me Kovid – 19 në vend.

Sipas këtij vendimi, “Austrian airlines” nga dita e enjte nuk do të fluturojë në relacionin Vienë – Shkup – Vienë, ndërsa “Wizzair” nuk do të mund t’i mbajë mes Shkupit she Salzburgut si dhe mes Ohrit dhe Vienës.

Një vendim i këtillë i Austrisë, vjen disa ditë pasi Italia anuloi të gjitha fluturimet mes aeroporteve të Maqedonisë dhe qyteteve italianë.