Pendarovski për Kiçeecin: S’kam dëgjuar askund në botë që njeriu që është në burg, ka bërë aksident!

Presidenti Stevo Pendarovski është shprehur i habitur nga ngjarja ku Zoran Milevski – Kiçeec, i cili është në burg, është aksidentuar jashtë tij.

Thotë se këtë nuk e ka dëgjuar askund në botë.

“Nuk kam dëgjuar dhe as lexuar ndokund në botë se njeriu që është në burg ka bërë aksident trafiku. Së paku të voziste kombin e burgut, do të thoshim po bëka punë në atë pozitë. Përveç kësaj, kishte qenë edhe me dy shtetas të huaj, kjo veçanërisht më intereson. Mos ndoshta ndonjëri nga ata ka shtetësi të dyfisht. Kjo do të ishte interesant, por t’ia lemë hetimit të tregojë”, tha Pendarovski për 360 Shkallë.