Për herë të parë pas dy muajve dje nuk është regjistruar asnjë vd ekje nga COVID në Maqedoni

Advertisment

Pas një periudhe të gjatë në Maqedoninë e Veriut, gjatë ditës së djeshme nuk është regjistruar asnjë rast vdekje nga COVID-19.

Ministria e Shëndetësisë dje publikoi informacione për bilancin ditor, ndërsa 163 raste rezultuan pozitiv si dhe u shëruan 69 pacientë. Numri i përgjithshëm i të infektuarve nga coronavirusi ka arritur në 9412, ndërsa janë shëruar 4940.

Reklame

Statistikat e Institutit për Shëndet Publik kanë treguar se në periudhën prej 13 deri 19 korrik, është ulur numri i rasteve të reja dhe personave të shëruar, ndërsa është rritur numri i personave të vdekur, në krahasim me javën paraprake.

Raste të reja janë regjistruar në 26 qytete, prej të cilëve shumica janë nga Shkupi (39.9%). Në 17 qytete, numri i rasteve të reja është nën 20.

Ajo që është interesante është se ka ndryshim në strukturën e moshës së personave të rinj të infektuar, gjegjësisht përqindja më e madhe janë të moshës 40 deri 49 vjeçare.

ISHP ka vërejtur edhe ulje për 2 përqind të personave të shtruar në spitale.

Në periudhën prej 13 deri 19 korrik, janë regjistruar 545 persona të shëruar të cilët kanë qenë të hospitalizuar dhe janë kuruar në kushte shtëpiake, që është për 472 persona më pak se në periudhën prej 6 deri 12 korrik.