Përhapet nga mushkonjat, shkencëtarët francezë zbulojnë një virus të ri

Advertisment

Shkencëtarët francezë kanë identifikuar një virus të ri duke përdorur teknikën e njëjtë me të cilën u zbulua koronavirusi. Mirëpo, ata thonë që nuk ka arsye për t’u shqetësuar që virusi i zbuluar së fundmi do të shkaktojë krizë të re shëndetësore, të ngjashme me atë që shkaktoi koronavirusi.

Virusi është zbuluar në një spital jo larg Parisit, tek një grua 58-vjeçe e cila ndërroi jetë nga encefalitisi dhe ka marrë emrin “Cristoli virus”, sipas lagjes ku është zbuluar në afërsi të Parisit. Shkencëtarët thonë se është ende herët të nxirren konkluzione se për çfarë është përgjegjës ky virus, sepse gruaja që ndërroi jetë vuante edhe nga disa sëmundje tjera.

Reklame

Ata theksuan se deri më tani nuk dihet nëse është ky rasti i vetëm, dhe se në të ardhmen nëse ka tjerë mund të kenë një pasqyrë më të qartë lidhur me këtë virus. “Cristoli virus” i përket llojit të viruseve që zakonisht përhapet nga mushkonjat. E përveç metodës së zbulimit, virusi i ri ka shumë pak gjëra të përbashkëta me koronavirusin.