Përplasen në ajër avionët në Francë, vdesin pesë persona

Advertisment

Dy avionë të vegjël në Francë u përplasën në ajër, duke lënë të vdekur pesë persona, thonë autoritetet lokale.

Sipas medieve të huaja, përcjell Telegrafi, përplasja ndodhi të shtunën në jug-lindje të qyteti francez Tours.

Reklame

Lidhur me këtë rast, ekipi i emergjencës përfshirë dhe 50 zjarrfikës u thirrën në vendin e ngjarjes.

Avioni më i vogël i cili po transportonte dy persona, ra në gardhin e një shtëpie në qytetin e Loches, rreth 46 kilometra në jug-lindje të Tours.

Ndërkohë, një dëshmitar tha se ky avion shpërtheu në flakë kur zbarkoi në njehsorin e energjisë elektrike në atë shtëpi.

Aeroplani tjetër i cili ishte më i madh, thuhet se pati rënë rreth 100 metra larg një zone të pabanuar. Në bord kishte tre turistë.

“Të pesë personat ndërruan jetë”, tha zyrtarja Nadia Seghier.

Ende nuk dihen shkaqet e këtij aksidenti ndërsa nuk u dhanë detaje të menjëhershme në lidhje me identitetin e viktimave. /Telegrafi/