Raportuesja për Kosovën akuzon direkt Vuçiqin: I fshehe rastet me koronavirus për shkak të zgjedhjeve

Advertisment

Raportuesja për Kosovën në Parlamentin Europian, Viola von Cramon, ka akuzuar ashpër presidentin serb, Aleksandër Vucic, për manipulim të shifrave rreth koronavirusit.

Von Cramon ka reaguar ashpër rreth protestave e brendshme në Serbi, ku kishte përplasje në mes të qytetarëve dhe policisë serbe.

Reklame

Ajo ka thënë se Vuciq ka gënjyer rreth rasteve me koronavirus me qëllim të përfitonte para zgjedhjeve parlamentare që u zhvilluan javë më parë.

“Duket se Vucic gënjeu rreth numrave të COVID-19 për të pasur ‘zgjedhje’ të qeta. Ai nuk mund të fshihet pas shtimit të rasteve të reja dhe njerëzit e dinë se për të, pushteti ishte më i rëndësishëm se shëndeti”, theksoi eurodeputetja.