Rita Ora: Izolimi na ka bërë të kuptojmë më shumë vlerën e jetës, të gjithë jemi në të njëjtën barkë tani

Advertisment

Krijuesja e hitit “Hot Right Now”, 29-vjeçarja Rita Ora, është e shqetësuar për nënën e saj pasi ajo trajton pacientët me COVID-19 në vijën e parë të frontit.

Rita i bëri të ditur shqetësimet për nënën e saj, Verën, teksa foli në një intervistë për iHeart Radio këtë mëngjes, shkruen The Mirror.

Reklame

Këngëtarja e cila po qëndron në vetë-izolim në një fermë në veri-perëndim të Londrës, thotë se nuk kalon as edhe një ditë e vetme që nuk shqetësohet për nënën e saj, e cila kohët e fundit u bashkua me NHS (Shërbimin e Shëndetit Kombëtar) në një përpjekje për të bërë pjesën e saj për të ndihmuar në luftën gjatë pandemisë.

Mamaja e Ritës, Vera është duke punuar si psikiatre brenda NHS, dhe kishte qenë në kërkim të grave shtatzëna me probleme të shëndetit mendor, por tani ajo është duke u kujdesur edhe për njerëzit me çështje të shëndetit mendor, si dhe të prekurit me coronavirus.

E hapur për jetën në mbyllje, këngëtarja pranoi se vazhdimisht mendon për nënën e saj në ditë.

“Unë i flas asaj çdo ditë të vetme – me siguri dy herë në ditë. Unë jam akoma shumë e shqetësuar dhe jam torturuar gjithmonë me mendime të shqetësuara për të, por nuk ka thjesht asnjë ndalesë për të”, tha Rita.

“Nëna ime është një person kaq pozitiv dhe madje përgjatë gjithë kësaj, ajo ka qenë kaq e gasthme për të dhënë kontributin e saj”, tha tutje ajo.

Rita shtoi: “Ajo ndjehet sikur është detyra dhe përgjegjësia e saj. Është kaq frymëzuese të shohësh që ajo të ngrihet për të ndihmuar të shpëtojë jetë çdo ditë”.

Të mos jesh në gjendje të udhëtosh ka qenë një bekim masiv në maskimin e Ritës, dhe ajo më në fund është e lumtur që është në një vend për një kohë kaq të gjatë.

Ajo shpjegoi: “Nuk kam asnjë presion tani. Është kaq e çuditshme dhe unë jam në rregull, pasi e di se nuk kam nevojë të udhëtoj”.

“Është shumë bukur të jesh këtu dhe për shqetësimin tim të vetëm të kontrolloj familjen time. Unë jam me të vërtetë mirënjohëse që nuk kam pse të udhëtoj në të gjithë botën tani”.

E gjithë përvoja i ka treguar Ritës se çfarë është me të vërtetë e rëndësishme në jetë, dhe ajo këmbënguli që perspektiva e njerëzve për jetën pas coronavirusit do të jetë jashtëzakonisht më pozitive.

“Unë vërtet vlerësoj gjithçka shumë më tepër tani. Të gjithë janë në të njëjtën barkë dhe ju vërtet shihni se çfarë është e rëndësishme në jetë kur ndodh diçka e tillë”, tha këngëtarja e lindur në Prishtinë.

“Unë ndiej që pasi të përfundojë kjo, do të ketë shumë më shumë dashamirësi në botë. Dhe shpresoj që njerëzit do të kuptojnë vlerën e jetës dhe do t’i shohin gjërat ndryshe”, tha tutje artistja Ora.

Kur u pyet nga iHeart Radio se çfarë po pret të bëjë me padurim pasi të përfundojë bllokimi, Rita insistoi që ajo po vdiste për t’u rikthyer në skenë, për të dalë para një turme njerësish.

Megjithë mendimin e saj pozitiv, ajo përfundoi intervistën duke pranuar se mund të kalojë ca kohë para se të ndodhë kjo në të vërtetë. /Telegrafi/