Shabani: Nuk i merr Ministria e Arsimit vendimet për hapjen e shkollave

Advertisment

Zëvendësministri i Arsimit nga radhët e partisë Besa i ftuar në emisionin “Rruga drejt” në Alsat, përballë arsimtarëve në pyetjen përse nuk u hapën shkollat, ndërkohë që të gjitha aktivitetet e tjera funksionojnë, ai u përgjigj se nuk është Ministria e Arsimit ajo që vendos për hapjen e shkollave, por disa komisione shëndetësore. Mes të tjerash ai pranoi se në shumë shkolla iu është refuzuar mësimi me prezencë fizike sepse Komisioni për Sëmundje Ngjitëse ka marrë për bazë situatën me Kovid në atë rajon dhe jo kushtet e shkollave.

“Ministria e arsimit nuk i merr vet vendimet, por ka disa komisione, siç është Komisioni për Sëmundje Ngjitëse që ndjek gjendjen epidemiologjike, pastaj mendimet shkojnë në disa filtra të tjera.

Reklame

Shumë komuna shprehen dëshira të mbanin mësimin me prezencë fizike, ndërsa Komisioni i Shëndetësisë nuk i ka marrë parasysh aspektet shkollore, por ka marrë parasysh kushtet e një qyteti sesi është situata me Kovidin në atë rajon- tha Shabani.