Shpat Kasapi i bindur se dasmat do të mbahen sivjet

Ende po vazhdon të diskutohet për organizimin e dasmave dhe ahengjeve familjare këtë verë.

Të hënën e kësaj jave, këngëtarë të shumtë e pronarë të restoranteve protestuan para ndërtesë së Qeverisë së Kosovës, duke kërkuar që dasmat të mbahen.

Reklame

Përderisa ende nuk ka një vendim mbi këtë çështje dhe rastet me COVID-19 ditëve të fundit kanë shënuar rritje, duket se ka këngëtarë të cilët kanë besim se dasmat do të mbahen.

I tillë është këngëtari i njohur shqiptar nga Maqedonia, Shpat Kasapi, i cili ka publikuar së fundmi për fansat e tij në InstaStory, një pjesë nga interpretimi i tij në një dasmë.

“Dasma sivjet, kësmet po“, ka shkruar Shpat Kasapi në mbishkrimin e videos në fjalë.

Këngëtari i cili tashmë duket se interpreton edhe në dasma pajtohet me kolegët e tij, që këtë verë duhet lejuar organizimet e tilla.