Sot fillon stina e pranverës

Në orën 4 e 49 minuta e 37 sekonda sot në mëngjes arriti pranvera në hemisferën veriore. Në të njëjtën kohë në pjesën jugore të gjysmës së Tokës filloi vjeshta.

Pranvera do të zgjasë 92 ditë, 17 orë e 54 minuta, gjegjësisht deri 20 qershor 2020 në orën 23 e 43 minuta, kur do të fillojë vera.

Përndryshe moti në mbarë vendin do të jetë me diell dhe i ngrohtë. Temperatura e mëngjesit do të lëviz prej minus 4 deri në 3, ndërsa ajo e ditës prej 13 deri në 22 gradë.

Edhe në Tetovë dhe rrethinë moti do të jetë i ngjashëm, me diell dhe i ngrohtë. Temperatura e mëngjesit do të bie deri në 1, ndërsa ajo e ditës do të arrijë deri në 21 gradë.

 

Deri të shtunën do të kemi mot stabil dhe relativisht të ngrohtë. Të dielën do të ketë vr anësira, pasdite me reshje të shiut, të cilat në disa vende do të jenë të rrëmbyeshme. Kah fundi i ditës do të fillojë të fryjë erë mesatare deri e përforcuar veriore e cila do të shkaktojë ulje të dukshme të temperaturave.