Sot publikohet lista e vendeve për të cilat do të hiqen kufizimet për udhëtime në vendet e BE

Austrian police officers attend border controls on the Highway A4 near Nickelsdorf, at the Austrian-Hungarian border crossing, in early hours on September 16, 2015. Austrian and Slovakian authorities followed Germany's lead in reimposing border controls, as the EU's border agency said more than half a million migrants had been counted at the bloc's borders so far this year. AFP PHOTO / JOE KLAMAR (Photo credit should read JOE KLAMAR/AFP/Getty Images)
Advertisment

Vendet anëtare të BE-së deri sot në mesditë duhet të prononcohen me shkrim për listën e vendeve, për të cilat nga 1 korriku kufizimet nuk do të vlejnë më për udhëtime në vendet e zonës Shengen.

Javën e kaluar, vendet-anëtare hartuan një “projekt listë” të 15 vendeve, qytetarët e të cilëve nga nesër do të mund t’i kalojnë të papenguar kufijtë e jashtëm të BE-së.

Reklame

Nëse asnjë nga 27 vendet-anëtare nuk voton kundër deri në mesditë, lista do të konsiderohet e miratuar.

Komisioni Evropian ka sugjeruar që Ballkani Perëndimor të jetë në krye të listës, duke përmendur lidhjet e ngushta të BE-së dhe politikën për integrimin e rajonit.

Deri më tani, vetëm Serbia e Mali i Zi ndodhen në listën paraprake të 15 vendeve, së bashku me Algjerinë, Australinë, Kanadanë, Gjeorgjinë, Japoninë, Marokun, Zelandën e Re, Ruandën, Korenë e Jugut, Tajlandën, Tunizinë, Uruguajin dhe Kinën.

Nga ana tjetër, Shqipëria, BeH-ja, Maqedonia e Veriut dhe Kosova raportohet se kishin më shumë se 25 raste për 100,000 banorë deri më 15 qershor, ndërsa mesatarja e BE për këtë periudhë ishte 13 raste të regjistruara të Kovid-19 për 100.000 banorë.

BE thotë se do ta azhurnojë këtë listë çdo dy javë, sipas të dhënave më të fundit epidemiologjike.